Month: February 2021

ព្រះវិហារ៖កម្លាំងផ្នែករដ្ឋបាលព្រៃឈើឆែបសហការជាមួយកម្លាំងកងរាជអាវុធហត្ថ ស្រុកឆែប និងនគរបាលប៉ុស្តិ៍រដ្ឋបាលឃុំម្លូព្រៃ១បានចុះបង្ក្រាបទីតាំងស្តុកឈើ១កន្លែងដោយគ្មានលិខិតអនុញ្ញាត ពីរដ្ឋបាលព្រៃឈើ។ ការបង្ក្រាបនេះ ធ្វើឡើងថ្ងៃទី១៨ ខែកុម្ភៈ ឆ្នាំ២០២១ស្ថិតនៅភូមិពោធិ៍ទាបឃុំម្លូព្រៃមួយស្រុកឆែបខេត្តព្រះវិហារ តាមការណែនាំរបស់លោកនួនសុខុម នាយខណ្ឌរដ្ឋបាលព្រៃឈើព្រះវិហារ។ លោកសេងលាងនាយរដ្ឋបាលព្រៃឈើឆែបបានឱ្យដឹងថា៖ប្រតិបត្តិការនេះសមត្ថកិច្ចបានដកហូត នូវឈើអារ ចម្រុះ ជាច្រើន យកទៅរក្សាទុក នៅស្នាក់ការថ្នាលបណ្ដុះ កូនឈើ ផ្នែករដ្ឋបាលព្រៃឈើឆែប ដើម្បីចាត់ការតាមនីតិវិធី៕

នៅវិមានសន្តិភាព នាព្រឹកថ្ងៃពុធ ៦កើត ខែផល្គុន ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១៧ ខែកុម្ភៈ ឆ្នាំ២០២១នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានទទួលជួបពិភាក្សាការងារជាមួយលោកជំទាវ Maria Amelita C.Aquino ឯកអគ្គរដ្ឋទូតថ្មីហ្វីលីពីនថ្មីប្រចាំនៅកម្ពុជា។ នៅក្នុងជំនួបនោះលោកជំទាវ Maria Amelita C.Aquino បានពាំនាំនូវពាក្យផ្ញើសួរសុខទុក្ខពីឯកឧត្តមប្រធានាធិបតីហ្វីលីពីនជូនសម្ដេចតេជោ ហ៊ុន សែន ផងដែរ។ លោកជំទាវបានសម្តែងនូវការអបអរសាទរជូនចំពោះ សម្តេចតេជោ នាយករដ្ឋមន្ត្រី ក៏ដូចជាព្រះរាជាណាចក្រកម្ពុជា និងរាជរដ្ឋាភិបាលកម្ពុជាផងដែរ ដែលបានគ្រប់គ្រងជំងឺកូវីដ១៩បានយ៉ាងល្អប្រសើរ។ដែលធ្វើអោយកម្ពុជាមានការរីករាលដាលឆ្លងជំងឺកូវីដ១៩នេះយ៉ាងតិចបំផុត។ លោកជំទាវ ក៏បានគោរពថ្លែងអំណរគុណ និងសំដែងនូវការរីករាយយ៉ាងខ្លាំងចំពោះ សម្តេចតេជោ នាយករដ្ឋមន្ត្រី ដែលបានដឹកនាំប្រទេសទទួលបាននូវសុខសន្តិភាព ដែលជាមូលដ្ឋានគ្រឹះនាំកម្ពុជាឱ្យមានកំណើនសេដ្ឋកិច្ចជាច្រើនឆ្នាំកន្លងមកនេះ ។ លោកជំទាវបានគោរពជម្រាបជូន សម្ដេចតេជោ នាយករដ្ឋមន្ត្រីថា បេសកកម្មរបស់លោកជំទាវមកកាន់ព្រះរាជាណាចក្រកម្ពុជានៅពេលនេះ គឺដើម្បីពង្រីក និងពង្រឹងកិច្ចសហប្រតិបត្តិការ រវាងប្រទេសទាំងពីរ ជាពិសេសលើវិស័យពាណិជ្ជកម្ម វិស័យសេដ្ឋកិច្ចនិងវិស័យវិនិយោគ។ លោកជំទាវបានបន្ថែមទៀតថា ការពង្រីក ពង្រឹងទំនាក់ទំនង […]

បាត់ដំបង៖រថយន្តធុនធំដឹកផ្លែឈើមួយគ្រឿងបានលួចដឹកពលករមកពីប្រទេសថៃត្រូវកម្លាំងជំនាញចាប់បានចំនួន៣នាក់ក្នុងនោះមានវៀតណាមម្នាក់និងខ្មែរម្នាក់។ការឆែកឆេររកឃើញនេះគឺនៅច្រកទ្វារអន្តរជាតិដូងក្នុងស្រុកកំរៀងកាលពីថ្ងៃទី១៥ខែកុម្ភឆ្នាំ២០២១។ លោកអធិការស្តីទីស្រុកកំរៀងបានឱ្យដឹងថា៖ការឃាត់ ខ្លួនពលករឆ្លងដែន២នាក់ចូលពីប្រទេសថៃមកប្រទេសកម្ពុជាធ្វើឡើងដោយកងកម្លាំងចម្រុះ នៅច្រកទ្វារអន្តរជាតិដូងរួមនិងទាហានថៃនៅក្នុងរថយន្តដឹកផ្លែឈើ១គ្រឿងផ្លាកលេខត្បូងឃ្មុំ3 A-០549 ។ ពលករទាំងពីរនាក់ត្រូវបានយកទៅដាក់នៅមណ្ឌលចត្តាឡីស័ក។ ចំណែកឯតៃកុងឡាន និងព្រូឡាន ត្រូវបញ្ជូនឱ្យអធិការដ្ឋាននគរស្រុកកំរៀង ដើម្បីដាក់ទោសទៅតាមនីតិវិធី៕    

បាត់ដំបង៖លោក​ឧត្តមសេនីយ៍ទោសាតគឹ​ម​សានស្នងការ​នគរបាល​ខេត្តបាត់ដំបង បាន​សម្រេច​ផ្អាក​ការងារ​បណ្ដោះអាសន្ន​ចំពោះ​លោក​វរសេនីយ៍ឯកគឹ​មពន្លក​អធិការ​នគរបាលស្រុក​កំ​រៀង ដោយ​មូលហេតុ អនុវត្ត​ការងារ​ខុស​នីតិវិធី ។ មន្ត្រីបានឱ្យដឹងថា៖ការ​សម្រេច​ផ្អាក​ការងារ​របស់លោក​អធិការនគរបាល​ស្រុក​កំ​រៀង ជា​បណ្ដោះអាសន្នបន្ទាប់​ពី​សម្តេច​តេ​ជោ ហ៊ុន សែន នាយក​រដ្ឋមន្ត្រីនៃ​កម្ពុជា បាន​បញ្ជា​ដល់​ថ្នាក់ដឹកនាំ​ខេត្តបាត់ដំបង និង​អគ្គស្នងការ​នគរបាល​ជាតិឱ្យ ស្រាវជ្រាវ​ជុំវិញ​រឿងរ៉ាវ​ដែល​មាន​មន្ត្រី​ទាហាន​ចាប់​បាន​មេ​ខ្លោ​ង​នាំ​មនុស្ស​ពី​ថៃ​ចូល​ស្រុក​ខ្មែរ​ហើយ​នោះ បែរជា​ម្ត្រី​នគរបាល​ដោះ​លែង​វិញ ។ នៅ​ក្នុង​សារ​សំឡេង​របស់​សម្តេច​តេ​ជោ ផ្សព្វផ្សាយ​កាលពី​ព្រឹក​ថ្ងៃ​ទី ១៥​ខែកុម្ភៈ ឆ្នាំ​២០២១​នេះ សម្តេច​បាន​បញ្ជាក់​ថា​ការ “​ដូច​ជា​យប់មិញ​ខ្ញុំ​បាន​បញ្ជា​ទៅ​កាន់​ខេត្តបាត់ដំបង និង​អគ្គស្នងការ​នគរបាល​ជាតិ អំពី​ព័ត៌មាន​ទាក់ទិន​នឹង​ការ ចាប់​បាន​ពួក​ធ្វើ​សកម្មភាព ​នាំ​ផ្លូវ​យកមនុស្សឆ្លងដែនហើយ​បែរជា​ដោះ​លែង​ទៅ​វិញ ដែល​អាច​នាំ​ទៅ​ដល់​ការ​ដក​ឋានន្តរ​ស័ក ឬ​បណ្តេញ​ចេញពី​ជួរ​តែ​ម្តង”។​ សម្តេចបានបន្តថា “មន្ត្រី​នគរបាល​ណា​ដែល​អនុវត្ត ខុសឆ្គង ទៅ​នឹង​វិធានការ​ទាំងឡាយ​ដើម្បី​ប្រយុទ្ធ​ប្រឆាំង​នឹង​ការ​រត់ពន្ធ​មនុស្ស ហើយ​ការ​រត់ពន្ធ​មនុស្ស​នេះ​គឺ​ស្ថិត​ក្នុង​ការ​ធ្ងន់ធ្ងរ​ដែល​វា​អាច​នាំ​ទៅ​ដល់​មហន្តរាយ នៃ​សុខភាព​សាធារណៈ​ដោយសារ​ជំងឺឆ្លង​” ។ សម្តេច​នាយក​រដ្ឋមន្ត្រី​បាន​បន្ត​ថា “​ខ្ញុំសុំ​ឱ្យ​ចាប់​ប្រមូល​អ្នក ដែល​ជាប់​ពាក់ព័ន្ធ​ជាមួយនឹង​ការ​នាំ​មនុស្ស​ឆ្លងកាត់​ផ្លូវ​របៀង ដើម្បី​អនុវត្ត​នូវ​ការ​ផ​ន្ទា​ទោស​”ឬ​ក៏​ណែនាំ​ពួក​គេ​យ៉ាង​ណា​នោះ ដើម្បី​ឱ្យពួក​គេ​ឈប់​នាំ​មនុស្ស​ឆ្លង​ដែនទៀត” ។ សូម​រំលឹក​ថាស​ម្តេច​តេ​ជោ ហ៊ុន សែន ក្នុង​សារ​ជា​សំឡេង នៅ​យប់​ថ្ងៃអាទិត្យ ទី​១៤ ខែកុម្ភៈ ឆ្នាំ​២០២១ សម្តេច​ក៏​បាន​ដាក់​ចេញ​បទបញ្ជា​សា​ជា​ថ្មី ទៅ​កាន់​អភិបាលខេត្ត​នៅ​ជាប់​ព្រំដែន​ថៃ​ទាំងអស់ ត្រូវ​តែ​រឹត​បន្តឹង​តាម​ព្រំដែន​ឱ្យ​បាន​ម៉ឺងម៉ាត់​ជាង​មុន លើ​ការ​ឆ្លង​ដែន​របស់​ពលករ​ខ្មែរ​មក​ពី​ថៃ ៕

ខេត្តបន្ទាយមានជ័យ ៖ មន្ត្រីអធិការកិច្ចក្រសួងសេដ្ឋកិច្ច និងហិរញ្ញវត្ថុ និងអគ្គនាយកដ្ឋានគយ និងរដ្ឋាករកម្ពុជា ដោយមានការចូលរួមពីខាងក្រសួងការពារជាតិ និងកងទ័ពជើងគោក ព្រមទាំងរដ្ឋបាលខេត្តបន្ទាយមានជ័យផងដែរ។ បើតាមប្រភពបានបង្ហើបឲ្យដឹងថា ក្រោយមានករណីមន្ត្រីយោធាកងការពារព្រំដែនលេខ៥០៣ ធ្វើអត្តឃាតចងកសម្លាប់ខ្លួន សង្ស័យមូលហេតុថា ជនរងគ្រោះរងសម្ពាធតូចចិត្តនឹងមេគយចល័តក្រសួងតំបន់៥ប្រចាំខេត្តបន្ទាយមានជ័យ ដែលបានចាប់ឡានចង្កូតស្តាំ ហើយអង្វរសុំយ៉ាងណាក៏មិនបាននោះ មកទល់ថ្ងៃទី១៥ខែកុម្ភៈ ឆ្នាំ២០២១ ទើបមន្ត្រីអធិការកិច្ចក្រសួង អគ្គនាយកដ្ឋានគយ និងរដ្ឋាករកម្ពុជា ដោយមានការចូលរួមពីខាងកងទ័ពជើគោក និងរដ្ឋបាលខេត្តបានចុះស្រាវជ្រាវករណីខាងលើនេះ។ ប្រភពបានឲ្យដឹងថា បន្ទាប់ពីមានករណីនេះកើតឡើង ថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុបានបញ្ជាឲ្យមន្ត្រីអធិការកិច្ចក្រសួង និងគយអគ្គនាយកដ្ឋានចុះស្រាវជ្រាវបន្ទាន់ភ្លាម។ ចំណែកខាងក្រសួង ការពារជាតិបានចាត់តាំងក្រុមអធិការកិច្ចក្រសួង និងអគ្គនាយករដ្ឋានសម្ភារបច្ចេកទេស និងកងទ័ពជើងគោកក៏មានការចុះស៊ើបអង្កេតករណីនេះផងដែរ។ ដោយឡែករដ្ឋបាលខេត្តបន្ទាយមានជ័យក៏បានចាត់តាំងលោក ង៉ោ ម៉េងជ្រួន អភិបាលរងឲ្យដឹកនាំគណៈកម្មការខេត្តជាម្ចាស់ដែនដីសម្រាប់ធ្វើការជាមួយប្រតិភូអធិការកិច្ចផងដែរ។ ដំណើរការនេះ ខាងគយបានចាប់ផ្តើមធ្វើពីល្ងាចថ្ងៃ១៤ និងព្រឹកថ្ងៃទី១៥ ខែកុម្ភៈ ហើយបានចប់នូវការហៅមន្ត្រីគយ និងអ្នកពាក់ព័ន្ធសួរបំភ្លឺ។ ចំណែកខាងក្រុមអធិការកិច្ចក្រសួងការពារជាតិ និងអគ្គនាយក សម្ភារបច្ចេកទេសក្រសួងការពារជាតិនឹងធ្វើនៅព្រឹកថ្ងៃទី១៦ ខែកុម្ភៈ ឆ្នាំ២០២១នេះ។ បន្ទាប់ពីមានការចាប់រថយន្តមន្ត្រីយោធាខាងលើនេះ លោក ឈួន សោភា ប្រធានគយចល័តក្រសួង តំបន់៥បានទទួលរងការរិះគន់យ៉ាងខ្លាំងពីសំណាក់មហាជនដែលមតិខ្លះលើកឡើងថា ឈួន សោភា  ហាក់ដូចគ្មានបទល្មើសគេចពន្ធត្រូវចាប់ […]

ស្ទឹងត្រែង៖ព្រៃជំនឿដែលការពារដោយសហគមន៍នៅភូមិរំដេងឃុំចម្ការលើស្រុកថាឡាបរិវ៉ាត់ខេត្តស្ទឹងត្រែងកំពុងរងនូវការកាប់បំផ្លាញទន្ទ្រានយកដីពីក្រុមឈ្មួញដោយគ្មានវិធានការទប់ស្កាត់ទេ។ ប្រជាពលរដ្ឋលើកឡើងថា៖អ្នកការពារព្រៃឈើគឺជាអ្នកបើកដៃឱ្យមានការកាប់ព្រៃទន្ទ្រានយកដីលក់ឱ្យឈ្មួញហើយអាជ្ញាធរភូមិឃុំគឺជាអ្នកផ្ដល់បណ្ណកម្មសិទ្ធិ។រីឯសហគមន៍ដែលមានតួនាទីការពារនៅទីនោះបានសុំគ្រលុំគ្នាជាមួយអាជ្ញាធរពាក់ព័ន្ធបណ្ដែតបណ្ដោយឱ្យមានការកាប់ទន្ទ្រានយកព្រៃសហគមន៍។ ពលរដ្ឋម្នាក់សុំមិនបញ្ចេញឈ្មោះបានលើកឡើងថា៖ព្រៃដែលការពារដោយសហគមន៍ហើយអ្នកស្រុកនៅទីនោះមានជំនឿតាំងពីដូនតាមកម្ល៉េះគឺជាព្រៃការពារដោយសហគមន៍នៅភូមិរំដេង។ ពីមុនអ្នកស្រុកមានជំនឿខ្លាំងណាស់មិនហ៊ាននិយាយពាក្យអសុរោះឬនិយាយអាក្រក់ពេលដែលដើរចូលទៅក្នុងព្រៃនោះឡើយ។បើសិនជាអ្នកណានិយាយនៅក្នុងព្រៃដោយប្រើសំដីអាសអាភាសឬមានបំណងមិនល្អនិងវង្វេងមិនអាចចេញពីព្រៃបានទេ។មូលហេតុនេះហើយបានជាអ្នកស្រុកមានជំនឿតរៀងមក។ ក្រៅពីជំនឿព្រៃសហគមន៍នៅទីនោះសំបូរទៅដោយសត្វបក្សាបក្សីស្វាចតុបាទរាប់មិនអស់។លុះពេលព្រៃត្រូវរងការកាប់បំផ្លាញដោយធ្វើចម្ការលក់បន្តទៅឱ្យឈ្មួញនិងមានការបរបាញ់សត្វផងនោះ។សត្វដែលរស់នៅទីនោះបានរត់ទៅកាន់តំបន់ផ្សេងហើយមួយចំនួនត្រូវបានអ្នកស្រុកសម្លាប់។ អ្នកភូមិមិនហ៊ានរាយការណ៍ពីសកម្មភាពនៅក្នុងតំបន់នោះឡើយដោយសារត្រូវគេគំរាមបើសិនជានរណាម្នាក់ហ៊ានចេញមុខតវ៉ាប្រឆាំងទៅនឹងអ្នកពាក់ព័ន្ធកាប់ព្រៃតំបន់នោះ។លោកព្រះហែមមេឃុំចម្ការលើបានប្រាប់ឱ្យដឹងនៅថ្ងៃទី១៤ខែកុម្ភៈឆ្នាំ២០២១ថាលោកពុំទាន់បានទទួលព័ត៌មានពីសកម្មភាពកាប់ព្រៃសហគមន៍នៅទីនោះព្រោះគ្មានអ្នករាយការណ៍៕

ភ្នំពេញ​៖រថយន្តបែនដឹកដី១មួយគ្រឿងបើកទាក់ខ្សែភ្លើងបណ្តាលឱ្យបាក់បង្គោលថ្ម២ដើមនិងបង្កដាច់ភ្លើងមួយរយៈចំណែកតៃកុងរថយន្តត្រូវសមត្ថកិច្ចឃាត់ខ្លួន។​ហេតុការណ៍​នេះកើត​ឡើងនៅសង្កាត់​កា​កាប​ទី​២ខណ្ឌ​ពោធិ៍​សែន​ជ័យ កាលពីវេលា ទៀបភ្លឺថ្ងៃទី១៣ខែកុម្ភៈឆ្នាំ ២០២១។  ​ ប្រជាពលរដ្ឋ​ បាន​ឱ្យ​ដឹងថា៖មុនពេល​កើតហេតុ​ ​រថយន្ត​ដឹក​ដី​​ពាក់​ផ្លាកលេខ ភ្នំពេញ​3-F 0551 បើកបរ​ តាម​បណ្តោយ​ផ្លូវ​បេតុង​ ក្នុង​ល្បឿន​លឿន ​ក៏​ទាក់​ខ្សែភ្លើង​ជាប់​និង​រថយន្ត​ បណ្តាល​ឱ្យ​បង្គោល​ភ្លើង​២​ដើម ត្រូវបាន​បាក់​​តែ ​មិនមានអ្នក​គ្រោះថ្នាក់​ទេ​៕

ព្រះវិហារ៖រហូតមកដល់ពេលនេះសមត្ថកិច្ចនៅមិនទាន់ចាប់បានជនជាឧក្រិដ្ឋកម្មបំផ្លាញព្រៃឈើដែលបើកគោយន្តបុកប៉ងសម្លាប់មន្ត្រីឧទ្យានុរក្សម្នាក់នៅឡើយទេ។មន្ត្រីឧទ្យានុរក្សនោះប្រចាំការនៅទីស្នាក់ការពើកដែនជម្រកសត្វព្រៃព្រៃឡង់បឹងពែរបានធ្លាក់ខ្លួនពិការតាំងពីខែកក្កដាឆ្នាំ២០២០កន្លងទៅ។ លោកមាសញឹមប្រធានការិយាល័យនៃមន្ទីរបរិស្ថានខេត្តព្រះវិហារបានដាក់ពាក្យបណ្តឹងទៅតុលាការលើជនឧក្រិដ្ឋកម្មបំផ្លាញព្រៃឈើដែលប៉ងធ្វើឃាតមន្ត្រីរបស់លោកនៅម្តុំដែនជម្រកសត្វព្រៃព្រៃឡង់បឹងពែរ។ ក្នុងខ្លឹមសានៃពាក្យបណ្តឹងលេខ០១៦/20បណដពឡ.បព.ចុះថ្ងៃទី២០ខែកក្កដាឆ្នាំ២០២០នោះបានបញ្ជាក់ថា៖កាលពីនៅថ្ងៃទី១៥ខែកក្កដាឆ្នាំ២០២០កន្លងទៅកម្លាំងមន្ត្រីឧទ្យានុរក្សប្រចាំកាទីស្នាក់ការពើកចំនួន២នាក់។ក្នុងនោះមានឈ្មោះឈុនបូរិននិងឈ្មោះអ៊ូលាងអ៊ាន់បានចុះល្បាតព្រៃនៅស្រែអណ្តូងជ្រៃU.T.M.០៥.៣៣៧៥៥_14.80.16.30.ស្ថិតក្នុងឃុំរៀបរយស្រុងរវៀងខេត្តព្រះវិហារ។ លោកប្រធានបានបន្តថា៖កម្លាំងក៏បានជួបជនសង្ស័យម្នាក់ដែលគេស្គាល់ឈ្មោះធុនម៉ុលបើកគោយន្តកន្ត្រៃដឹករណាយន្ត១គ្រឿងចេញពីក្នុងព្រៃតំបន់ដែនកាពារពេលនោះមន្ត្រីឩទ្យានុរក្សក៏បានហៅម្ចាស់គោយន្តដែលជាជនសង្ស័យឱ្យឈប់ដើម្បីសួរនាំតែម្ចាស់គោយន្តនោះមិនឈប់តែបែជាបង្កើនល្បឿនបន្ថែមទៅមុខទៀត។ ភ្លាមនោះជនសង្ស័យបានបើកគោយន្តតម្រង់សំដៅបំបុកទៅលើលោកឈួនបុរិនទាំងកម្រោលបំណងសម្លាប់មន្ត្រីឧទ្យានុរក្សម្នាក់នោះតែចៃដន្យមន្ត្រីរងគ្រោះគេចមិនផុតត្រូវគោយន្តជនសង្ស័យបុកត្រូវជើងរបស់លោកខាងស្តាំបណ្តាលឱ្យបាក់ធ្លាក់ខ្លួនពិការអស់១ជីវិត។   បន្ទាប់ពីធ្វើសកម្មភាពជនសង្ស័យបានរត់ចូលព្រៃរហូតមកដល់ពេលនេះសមត្ថកិច្ចមិនទាន់ចាប់ខ្លួនបាននៅឡើយទេ៕

ខ្ញុំនិងភរិយាសូមចូលរួមអបអរសាទរក្នុងថ្ងៃសែនចូលឆ្នាំចិនថ្ងៃនេះ។ សូមបងប្អូនមានការប្រុងប្រយ័ត្នខ្ពស់ ចំពោះការចម្អិនម្ហូបអាហារដុតក្រដាសសែនធូបនិងទៀន…ដើម្បីចៀសវាងកុំឲ្យមានអគ្គីភ័យកើតឡើងដោយការធ្វេសប្រហែសណាមួយដែលធ្វើឲ្យរំខានក្នុងថ្ងៃចូលឆ្នាំ។សូមចូលរួមទប់ស្កាត់ការពារការចម្លងជម្ងឺកូវីដ១៩ ទាំងអស់គ្នា តាមរយៈការអនុវត្តតាមការណែនាំរបស់ក្រសួងសុខាភិបាល។ ក្នុងថ្ងៃនេះ ក៏មានបងប្អូនមួយចំនួនធ្វើដំណើរទៅកាន់បណ្តាខេត្តផ្សេងៗផងដែរ។ សូមបើកបរគោរពច្បាប់ចរាចរណ៍ កុំបើកប្រជែងយកលឿនតែខ្លួនឯង កុំផឹកគ្រឿងស្រវឹងក្នុងពេលបើកបរ ត្រូវមានការយោគយល់គ្នា និងប្រុងប្រយ័ត្នខ្ពស់ជានិច្ច ទោះបីបើកបរជិតឬឆ្ងាយ ដើម្បីសុវត្ថិភាពក្នុងថ្ងៃចូលឆ្នាំទាំងអស់គ្នា។ ខ្ញុំនិងភរិយាសូមជូនពរបងប្អូនជនរួមជាតិជួបតែសំណាងល្អ ជោគជ័យ និងហេងហេងគ្រប់ៗគ្នាចាប់ពីក្នុងថ្ងៃចូលឆ្នាំចិន ២០២១ នេះតទៅ។ អរគុណសន្តិភាព

កំពង់ចាម អភិបាលខេត្តកំពង់ចាមលោក អ៊ុន ចាន់ដាក្រោយពីចាក់វ៉ាក់សាំង របស់ក្រុមហ៊ុនចិនស៊ីណូហ្វាមបង្ការវីរុសកូវីដ.១៩ ជាលើកដំបូងរួចហើយនៅមន្ទីរពេទ្យមិត្តភាពកម្ពុជា-សូវៀត រាជធានីភ្នំពេញនាព្រឹកថ្ងៃទី ១០ កុម្ភ:នោះបានប្រាប់ឱ្យប្រជាពលរដ្ឋត្រៀមអនុវត្តវិធានការសុខាភិបាលនិងទទួលវ៉ាក់សាំងបង្ការកូវីដ.១៩។ អភិបាលខេត្តកំពង់ចាមថ្លែងសារក្នុងប្រព័ន្ធតេឡេក្រាមនៅក្រោយពីលោកទទួលការចាក់វ៉ាក់សាំងថា “សូមប្រជាជនខ្មែរយើងរួមគ្នា និងត្រៀមលក្ខណ:ចូលរួមជាមួយរដ្ឋាភិបាលអនុវត្តវិធានការ សុខាភិបាល និងទទួលចាក់ថ្នាំបង្ការទៅតាមដំណាក់កាលនីមួយៗ ។តាមផែនការលទ្ធភាពរបស់រដ្ឋាភិបាលដើម្បីការពារខ្លួនយើង គ្រួសារយើង សង្គមជាតិយើង និងប្រជាជនយើងនៅក្នុងកាល:ទេស:ដ៏លំបាកនេះ។ ពីព្រោះការប្រយុទ្ធប្រឆាំងនឹងជំងឺកូវីដ.១៩ គឺផ្តើមចេញពីខ្លួនយើង ដើម្បីការពារខ្លួនយើង និងអ្នកដទៃ”។ ការចាក់វ៉ាក់សាំងលើអភិបាលខេត្ត រាជធានី រដ្ឋមន្រ្តី និងឥស្សរជនមួយចំនួនជាបន្តបន្ទាប់នេះ គឺធ្វើឡើងនៅបន្ទាប់ពីមានការអំពាវនាវពីប្រមុខរាជរដ្ឋាភិបាល ជាបន្ទាន់។ ដើម្បីឱ្យប្រជាជនមានទំនុកលើវ៉ាក់សាំងរបស់ប្រទេសចិន៕