ខេត្តកែបៈសមត្ថកិច្ចនគរបាលខេត្តកែបនៅថ្ងៃទី១៦ខែធ្នូឆ្នាំ២០២០នេះបានបញ្ជូនជនសង្ស័យដែលបង្កើតគណនីហ្វេសប៊ុកក្លែងក្លាយជេរប្រមាថថ្នាក់ដឹកនាំទៅតុលាការខេត្តកំពត។ មន្ត្រីសមត្ថកិច្ចបានប្រាប់ឱ្យដឹងថាៈការបញ្ជូនជនសង្ស័យឈ្មោះងិនស៊ុនទ្រីអាយុ២៥ឆ្នាំទៅសាលាដំបូងខេត្តកំពតនេះពាក់ព័ន្ធករណីញុះញង់ឱ្យមានការរើសអើងនិងបង្កើតគណនីហ្វេសប៊ុកក្លែងអត្តសញ្ញាណបរិហារបង្កាច់កេរ្តិ៍។ សូមបញ្ជាក់ថាកាលពីព្រឹកថ្ងៃទី១៥ខែធ្នូឆ្នាំ២០២០កម្លាំងនគរបាលនៃស្នងការដ្ឋានខេត្តកែបបានឃាត់ខ្លួនជនសង្ស័យម្នាក់ពាក់ព័ន្ធនឹងការបង្កើតគណនីហ្វេសប៊ុកក្លែងក្លាយនិងជេរប្រមាថថ្នាក់ដឹកនាំជាច្រើនរូបនោះ៕
