Month: September 2020

ខេត្តស្វាយរៀង ៖ អនុវត្តតាមកិច្ចប្រជុំប្រចាំខែនាពេលកន្លងមក នៅព្រឹកថ្ងៃពុធ ១៣កើត ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី៣០ ខែកញ្ញា ឆ្នាំ២០២០នេះ ឯកឧត្តម ម៉ែន វិបុល អភិបាលនៃគណៈអភិបាលខេត្តស្វាយរៀង និងមានការចូលរួមពីឯកឧត្តម អភិបាលរងខេត្ត លោកប្រធានមន្ទីរសាធារណការ និងដឹកជញ្ជូនខេត្ត លោកអភិបាលក្រុងស្វាយរៀង លោកប្រធាន អនុប្រធាន អង្គភាពអគ្គិនីសស្វាយរៀង បានអញ្ជើញចុះពិនិត្យ និងប្រគល់អំពូលភ្លើងLED ដល់អង្គភាពអគ្គិសនីស្វាយរៀងដើម្បីតម្លើងតភ្ជាប់នៅផ្លូវនានាក្នុងក្រុងស្វាយរៀងដែលបានដាច់ដោយកន្លែងនាពេលកន្លងមកអោយភ្លឺឡើងវិញទាំងអស់៕

ភ្នំពេញ ៖ រដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ បានស្នើប្រតិភូនិស្សិតកម្មវិធីអាហារូបករណ៍រដ្ឋាភិបាលអូស្ត្រាលី និងណូវ៉ែលហ្សេឡង់ឆ្នាំសិក្សា ២០២០-២០២១ ជួយផ្សព្វផ្សាយអំពី សក្តានុពលវិនិយោគនៃវិស័យសេដ្ឋកិច្ច ពាណិជ្ជកម្ម ទេសចរណ៍ និងវប្បធម៌របស់កម្ពុជា ទៅដល់និស្សិត បរទេសនិងប្រជាជនអូស្ត្រាលីនិងណូវ៉ែលហ្សេឡង់ ដើម្បីលើកស្ទួយកិត្តិនាមរបស់ព្រះរាជាណាចក្រកម្ពុជា នៅលើឆាកអន្តរជាតិ។ សំណើនេះត្រូវបានលើកឡើងនាឱកាសដែល ឯកឧត្តមរដ្ឋមន្ត្រី ជួបសំណេះសំណាលជាមួយបេក្ខជនជ័យ លាភីអាហារូបករណ៍រដ្ឋាភិបាលអូស្ត្រាលី និងណូវ៉ែលហ្សេឡង់ កាលពីរសៀលថ្ងៃទី២៩ ខែកញ្ញា ឆ្នាំ២០២០ នៅទីស្តីការក្រសួងពាណិជ្ជកម្ម ដោយមានការចូលរួមពីបេក្ខជនជ័យលាភីចំនួន ២៧រូប ថ្នាក់ដឹកនាំ និងមន្ត្រីរាជការក្រសួងពាណិជ្ជកម្មជាច្រើនរូបទៀត។ នៅក្នុងឱកាសនោះ ឯកឧត្តមរដ្ឋមន្ត្រី បានសម្តែងការអបអរសាទរ និងកោតសរសើរចំពោះកិច្ចខិតខំប្រឹងប្រែងរបស់បេក្ខជនជ័យលាភី ក្នុងការចូលរួមការប្រកួតប្រជែងអាហារូបករណ៍រហូតទទួលបានជោគ ជ័យក្លាយជាជ័យលាភី និងផ្តល់សារដល់បេក្ខជនជ័យលាភីទាំងអស់ថា «ក្មួយៗទាំងអស់ ត្រូវចេះផ្សព្វផ្សាយអំពីសមិទ្ធផល និងភាពរីកចម្រើនរបស់ប្រទេសជាតិ ទៅកាន់មជ្ឈដ្ឋានខាងក្រៅ ហើយត្រូវចេះបំផុសឱ្យប្រជាជន និងវិនិយោគិនបរទេស ចូលមកទស្សនា និងបណ្តាក់ទុនកាន់តែច្រើន នៅក្នុងប្រទេសយើង។ លើសពីនេះ ត្រូវប្រកាន់ខ្ជាប់នូវអត្តសញ្ញាណជាតិ និងអត្តចរិកថ្លៃថ្នូរ ស័ក្តិសមជាយុវជន និងយុវនារី តំណាងឱ្យព្រះរាជាណាចក្រកម្ពុជា ដើម្បីរឹតចំណងមិត្តភាព សាមគ្គីភាព និងកិច្ចសហការល្អ […]

ខេត្តកំពត ៖ នារសៀលថ្ងៃចន្ទ ទី២៨ ខែកញ្ញា ឆ្នាំ២០២០ ឯកឧត្តម ជាវ តាយ អភិបាលនៃគណៈអភិបាលខេត្តកំពត បានអញ្ជើញចូលរួមសិក្ខាសាលាស្តីពីការផ្តល់បច្ចេកទេសក្នុងការអនុវត្តមុខងារដែលបានផ្ទេរជូនរដ្ឋបាលថ្នាក់ក្រោមជាតិ ក្រោមអធិបតីភាព ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន នៅសាលាខេត្តកំពត។ សមាសភាពអញ្ជើញចូលរួមក្នុងពិធីរួមមាន ៖ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ អគ្គនាយក ឯកឧត្តមអភិបាលខេត្តព្រះសីហនុ ខេត្តតាកែវ ខេត្តកែប ឯកឧត្តម លោកជំទាវអភិបាលរងខេត្តកំពត ប្រធានមន្ទីរ អង្គភាពជុំវិញខេត្ត អភិបាលក្រុង ស្រុក ទីចាត់ការ អង្គភាពចំណុះសាលាខេត្ត សរុបប្រមាណ៩០នាក់។ មានប្រសាសន៍ក្នុងពិធីនោះ ឯកឧត្តម ជាវ តាយ បានបញ្ជាក់ថា ក្នុងនាមរដ្ឋបាលខេត្ត និងក្នុងនាមខ្លួនខ្ញុំផ្ទាល់ សូមសំដែងនូវការកោតសរសើរចំពោះក្រសួងបរិស្ថាន ជាពិសេសក្រុមការងារបច្ចេកទេសវិមជ្ឈការ និងវិសហមជ្ឈការនៃក្រសួងបរិស្ថាន ដែលបានប្រឹងប្រែងរៀបចំ និងជំរុញឲ្យមានការអនុវត្តគោលនយោបាយផ្ទេរមុខងារតាមបែបប្រតិភូកម្មជូនរដ្ឋបាលក្រុង ស្រុក ឃុំសង្កាត់ ជាមួយនឹងការវិភាជថវិកាមួយចំនួនដើម្បីអនុវត្ត។ ឯកឧត្តមបន្តថា តាមរយៈកិច្ចខិតខំប្រឹងប្រែងដ៏ជាក់ស្តែង និងមានតម្លៃរបស់ក្រសួងបរិស្ថានក្នុងការធ្វើប្រតិភូកម្មដោយមានកិច្ចសហការល្អជាមួយអាជ្ញាធរ មូលដ្ឋានគ្រប់លំដាប់ថ្នាក់ កងកម្លាំងប្រដាប់អាវុធ […]

ខេត្តព្រះសីហនុ ៖ លោកស្រី យ៉ែម សមន្ថា ដែលគេស្គាល់ច្បាស់ថា ជាស្រ្តីជាខ្លាំងរឿងរកស៊ីដីធ្លីនោះ ត្រូវបានក្រុមកម្មករសំណង់មួយក្រុមដាក់ពាក្យបណ្តឹងទៅស្នងការដ្ឋាននគរបាលខេត្តព្រះសីហនុ ក្រោយពេលស្រ្តីរូបនេះជំពាក់លុយចំនួន៨០០០ដុល្លារ ជាថ្លៃសាងសង់របងថ្មទីតាំងដីមួយកន្លែងស្ថិតក្នុងភូមិលេខ៤ ឃុំអូរត្រះ ស្រុកស្ទឹងហាវ ខេត្តព្រះសីហនុ។ បងស្រីឈ្មោះ សុង សុជាតា អាយុ៤៣ឆ្នាំ ជាតំណាងឲ្យក្រុមកម្មករសំណង់បាននិយាយថា រូបគាត់បានម៉ៅការសាងសង់របងថ្មពីស្រ្តីឈ្មោះ ឃឹម សមន្ថា លើទីតាំងដីមួយកន្លែងត្រង់ចំណុចជាប់នឹងផ្លូវខាងមុខ ឃ្លាំងស្តុបប្រេង (ក្រុមហ៊ុនស្តេលា) ស្ថិតក្នុងក្នុងភូមិលេខ៤ ឃុំអូរត្រះ ស្រុកស្ទឹងហាវ ខេត្តព្រះសីហនុក្នុងតម្លៃសរុប ៦១,០០០ដុល្លារ (ប្រាំមួយម៉ឺនមួយពាន់ដុល្លារសហរដ្ឋអាមេរិក) ដោយមានកិច្ចសន្យា និងកុងត្រាត្រឹមត្រូវចុះថ្ងៃទី០៨ ខែឧសភា ឆ្នាំ២០១៩។ បងស្រីបានបន្តថា កិច្ចការសាងសង់របងបានយ៉ាងរលូនជាមួយនិងប្រាក់ទូទាត់ចំនួន៤ដំណាក់កាលសរុបចំនួន៥២,៣២៨ដុល្លារ (ប្រាំម៉ឺនពីរពាន់បីរយម្ភៃប្រាំបីដុលា្លរ)។ តែចុងក្រោយ ខណៈកិច្ចការសាសង់របងបានបញ្ជប់រួចរាល់ជាស្ថាពរ បែរជាស្រ្តីឈ្មោះ យ៉ែម សមន្ថា មិនព្រមទូទាត់លុយដែលសល់ចំនួនប្រមាណ ៧,៣២៨ដុល្លារឲ្យដល់ក្រុមកម្មករឡើយ បើទោះជាក្រុមកម្មករព្យាយាមតាមទារយ៉ាង ណាក៏ដោយ។ បងស្រីបន្តទៀតថា ចុងក្រោយក្រុមកម្មករគ្មានជំរើសក៏បានដាក់ពាក់បណ្តឹងទៅស្នងការដ្ឋាននគរបាលខេត្តតែម្តងទៅដើម្បីឲ្យជួយអន្តរាគមន៍ដោះស្រាយ ហើយក្នុងករណីស្នងការដ្ឋាននគរបាលខេត្តមិនអាចដោះស្រាយបាន ក្រុមកម្មករនឹងដាក់ពាក្យបណ្តឹងទៅសាលាដំបូងខេត្តបន្តដើម្បីរកដំណោះស្រាយតាម ផ្លូវច្បាប់ឲ្យខានតែបាន។ ពាក់ព័ន្ធករណីខាងលើនេះ លោក អ៊ុន មេត្តា ជាអ្នកមើលការខុសត្រូវ […]

ខេត្តស្វាយរៀង ៖ នៅថ្ងៃចន្ទ ១១កើត ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៨ ខែ កញ្ញា ឆ្នាំ ២០២០ នៅវត្តព្រៃអង្គុញ សង្កាត់ព្រៃអង្គុញ ក្រុងបាវិត ព្រះតេជគុណព្រះនាម ទេព វាសនា ព្រះអនុគណក្រុងបាវិត និងជាព្រះគ្រូចៅអធិការវត្តព្រៃអង្គុញ រួមជាមួយមន្ត្រីសង្ឃក្រុង ព្រះសង្ឃ គ្រូអាចារ្យ គណៈកម្មការវត្តទាំង១៩ ក្នុងក្រុងបាវិតមានព្រះទ័យចូលរួមចំណែកក្នុងវិស័យមនុស្សធម៌ ជាមួយកាកបាទក្រហមកម្ពុជា។ យកបច្ច័យ ទេយ្យទានមួយចំនួនរួមាន ៖ អង្ករ៦៥០គ.ក្រ មី១៨កេស ទឹកសុទ្ធ១០កេស និង៧យួរ ត្រីខ ១៤យួរ ទឹកផ្លែឈើ១២កេស តែ៣កញ្ចប់ធំ ទឹកត្រី១៦យួរ ទឹកស៊ីអ៊ីវ១៦យួរ ទឹកដោះគោ១១កំប៉ុង ប្រេងឆា២៨ដបតូច អំបិល១០ គ.ក្រ ប៊ីចេង៨ គ.ក្រ សាប៊ូ៣,៥០គ.ក្រ ស្ករស៩,៥០គ.ក្រ កាធុនជ័រ ១០ នំធុង២ធុង បាឡុងធំ២កញ្ចប់ បង្សុកូល៥កញ្ចប់ និងថវិកា១,៨៣០,០០០ រៀល […]

ភ្នំពេញៈ​ភ្លៀង​នៅតែ​បន្ត​ធ្លាក់​រាយប៉ាយ​ក្នុង​កម្រិត​ពី​មធ្យម​ទៅ​បង្គួរ​នៅក្នុង​ក្របខណ្ឌ​ទូទាំងប្រទេស​ដោយសារ​ឥទ្ធិពល​ជ្រ​ល​សម្ពាធ​ទាប​រហូតដល់​ថ្ងៃទី​៣០​ខែកញ្ញា​ទើប​ស្ថានភាព​អាកាសធាតុ​ត្រឡប់មក​ដូច​ធម្មតា​វិញ​។​បន្ទាប់ពី​មាន​ភ្លៀង​ធ្លាក់​ជោគជាំ​នៅ​តំបន់​មាត់សមុទ្រ​ដល់​កម្រិត​១៨៨​មី​លី​ម៉ែត្រ​នៅ​ក្រុងព្រះសីហនុ បណ្តាលឱ្យមាន​ការលិចលង់​ផ្នែក​ខ្លះ​កាលពី​ថ្ងៃទី​២៧​ខែកញ្ញា​រួចមក​។​ ​លោក​ចាន់​យុ​ត្ថា​អ្នកនាំពាក្យ​និង​ជា​រដ្ឋ​លេខ​ធិ​ការ​ក្រសួង​ធនធានទឹក​និង​ឧតុនិយម​បានឱ្យដឹង​នៅ​ថ្ងៃទី​២៨​ខែកញ្ញា​ឆ្នាំ​២០២០​ថាៈ​ប្រព័ន្ធ​សម្ពាធ​ទាប​បាន​រំ​កឹ​ល​ទៅខាង​ជើង​ផុតពី​កម្ពុជា​វិញ​ហើយ​។​តែ​ភ្លៀង​នៅ​បន្ត​ធ្លាក់​រាយប៉ាយ​ក្នុង​កម្រិត​ពី​មធ្យម​ទៅ​បង្គួរ​ដោយសារ​ឥទ្ធិពល​ជ្រលង​សម្ពាធ​ទាប​រហូត​ដក់​ថ្ងៃទី​៣០​ខែកញ្ញា​ទើប​ស្ថានភាព​អាកាសធាតុ​វិល​មក​ដូច​ធម្មតា​វិញ​។​ ​លោក​ហេង​សោភ័ណ​រិ​ទ្ធ​ប្រធាន​មន្ទីរ​ធន​ធា​ទឹក​និង​ឧតុនិយម​ខេត្ត​ព្រះសីហនុ​បានឱ្យដឹង​នៅ​ថ្ងៃទី​២៨​ខែកញ្ញា​ថាៈ​ស្ថានភាព​ភ្លៀង​ធ្លាក់​នៅលើ​ក្រុងព្រះសីហនុ​ព្រឹក​ថ្ងៃទី​២៨​កញ្ញា​មាន​សភាព​ធូរស្រាល​បន្តិច​វិញ​ហើយ​។​តែ​មេឃ​នៅតែ​អួរ​អាប់​ភ្លៀង​ធ្លាក់​ខ្សោយ​ព្រម​ជាមួយគ្នានេះ​នៅលើ​ផ្ទៃសមុទ្រ​ខាងក្រៅ​(​មុខ​កោះរុង​)​មាន​ខ្យល់​ខ្លាំង​និង​រលក​ខ្ពស់ៗ​។​ ​ប្រធាន​មន្ទីរ​បានឱ្យដឹង​ទៀតថាៈ​បរិមាណ​ទឹកភ្លៀង​ដែល​បាន​២៤​ម៉ោង​លើ​ក្រុងព្រះសីហនុ​កាលពី​ថ្ងៃទី​២៧​ខែកញ្ញា​មាន​រហូតដល់​១៨៨​មី​លី​ម៉ែត្រ​ធ្វើឱ្យមាន​ការលិចលង់​តំបន់​ទំនាប​មួយចំនួន​នៅក្នុង​ក្រុង​។​តែ​ទឹកបាន​ស្រក​ទៅវិញ​លឿន​ពេល​ភ្លៀង​ចុះខ្សោយ​ដោយសារ​ប្រឡាយ​និង​អូរ​ដោះ​ទឹកបាន​ជីក​ស្តារ រួច​។​ ​លោក​ហេង​សោភ័ណ​រិ​ទ្ធ បញ្ជាក់ថា នៅក្នុងពេល​ភ្លៀង​មានការ​លិចលង់ នៅ​ផ្នែក​ខ្លះ​ក្នុង​ក្រុង លោក​អភិបាលខេត្ត​ព្រះសីហនុ​បានធ្វើ​ការណែនាំ​ឱ្យ​កាយ​ប្រឡាយ​ថ្មី​ស្រប​ផ្លូវ​លេខ​៣០១​ដែលមាន​ប្រវែង​ជាង​៩០០​ម៉ែត្រ​។​ដើម្បី​ជួយ​កាត់បន្ថយ​បរិមាណ​ទឹក​ហូរ​ចូល​អូរ​ប្លប់​តាប៉ាង​ឱ្យ​ធ្លាក់​ទៅ​ប្រឡាយ​អូរ​ស្តេច​មឹក​។ ​បង្វែរ​មុខទឹក​មួយផ្នែក​ពី​ប្រឡាយ​អិ​ល​វី​ដែល​តែងតែមាន​ការលិចលង់​ខ្លាំង​ឱ្យចូល​ទៅ​ប្រឡាយ​អូរ​១​និង​សម្រួល​ផ្លូវទឹក​ពី​ប្រឡាយ​អិ​ល​វី​ទៅ​អូរ​តាប៉ាង​ដើម្បី​បន្ថយ​ការលិចលង់​នៅ​តំបន់​អិ​ល​វី​៕​

ភ្នំពេញ ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា ព្រឹទ្ធសភា និងអធិការកិច្ចអញ្ជើញជាអធិបតីក្នុង ពិធីសម្ពោធជាផ្លូវការសមាគមមិត្តភាពប្រជាជនចិនជាំងស៊ូនៅកម្ពុជា និងអបអរសាទរក្នុងពិធីស្វាគមន៍បុណ្យសំពះព្រះខែ និងអបអរសាទរបុណ្យឯករាជ្យជាតិ នៃសាធារណរដ្ឋប្រជាមានិតចិន នៅសណ្ឋាគារ ហួង សាន រាជធានីភ្នំពេញ រាត្រីថ្ងៃអាទិត្យ ១០កើត ខែអស្សុជ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២៧ ខែកញ្ញា ឆ្នាំ២០២០ ។ ថ្លែងក្នុងឱកាសនោះ លោកជំទាវកិត្តិសង្គហបណ្ឌិត បានមានប្រសាសន៍ថា ក្រោមការដឹកនាំប្រកបដោយកិត្តិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានដឹកនាំប្រទេសមានសុខសន្តិភាព និងមានការអភិវឌ្ឍន៍លើគ្រប់វិស័យ ក្នុងនោះការពង្រឹងសមាគមនានាត្រូវបានយកចិត្តទុក្ខដាក់ផងដែរ។ លោកជំទាវបញ្ជាក់ថា ទោះជាក្នុងដំណាក់កាល មានវិបត្តិជម្ងឺកូវីដ-១៩ ដែល ពិភពលោកកំពុងទទួលរងនូវការគំរាមកំហែងយ៉ាងណាក៏ដោយ រាជរដ្ឋាភិបាល កម្ពុជាបានមានវិធានការម៉ឹងម៉ាត់ទប់ស្កាត់បានយ៉ាងមានប្រសិទ្ធភាពខ្ពស់ ដោយរហូតមកដល់ពេលនេះ ពុំមានអ្នកឆ្លងថ្មី និងពុំមានករណីបាត់បង់ជីវិតនោះទេ។ លោកជំទាវឧបនាយករដ្ឋមន្រ្តីបន្តថា រាជរដ្ឋាភិបាល ក៏នៅតែខិតខំការពារអ្នកវិនិយោគ ឈរលើ គោលការណ៍មានស្ថេរភាពនយោបាយល្អ ដើម្បីជំរុញអាជីវកម្ម […]

ភ្នំពេញ ៖ នៅរសៀលថ្ងៃទី ២៥ ខែកញ្ញា ឆ្នាំ២០២០ ឯកឧត្តម នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ បានទទួល ជួបសម្តែងការគួរសម និងពិភាក្សាការងារជាមួយលោក Benjamin Wohlauer អនុប្រធានបេសកកម្មការទូត ប្រចាំស្ថានទូតសហរដ្ឋមេរិក ដែលទើបត្រូវបានតែងតាំងថ្មី និងលោក Russell Bash សេនានុព័ន្ធ តំណាងក្រសួងសន្តិសុខមាតុភូមិសហរដ្ឋអាមេរិក។ ខ្លឹមសារសំខាន់នៃជំនួបពិភាក្សានេះ គឺផ្តោតសំខាន់ ទី១. លើការបន្តពង្រឹងកិច្ចសហប្រតិបត្តិការ អនុវត្តច្បាប់អន្តោប្រវេសន៍ ក្នុងអាណត្តិការងារថ្មីរបស់លោក Benjamin Wohlauer ជាអនុប្រធានបេសកកម្មការទូត ដោយមានមូលដ្ឋានផ្អែកលើអនុស្សរណនៃការយោគយល់គ្នា ដែលមានស្រាប់ និងទី២. មានបំណងស្វែងយល់អំពីតម្រូវការចាំបាច់ របស់អគ្គនាយកដ្ឋានអន្តោប្រវេសន៍ ដែលភាគីសហរដ្ឋអាមេរិកអាចផ្តល់ជូន សំដៅជួយគ្នាទៅវិញទៅមក លើការងារអនុវត្តច្បាប់ ដើម្បីបង្ការ និងទប់ស្កាត់បទល្មើសឧក្រិដ្ឋកម្មឆ្លងដែន និងបទល្មើសអន្តោប្រវេសន៍ រវាងប្រទេសទាំងពីរ។ ជាការឆ្លើយតប ឯកឧត្តម នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍បានបញ្ជាក់ជូនថា ក្នុងអាណត្តិការងារថ្មីរបស់លោក Benjamin Wohlauer អនុប្រធានបេសកកម្មការទូត កិច្ចសហប្រតិបត្តិការអនុវត្តច្បាប់ […]

ខេត្តសៀមរាប ៖ សមត្ថកិច្ចខេត្តសៀមរាបបានរកឃើញបុរសជនជាតិហុងគ្រី អាយុ៧០ឆ្នាំម្នាក់ដែលបានរត់គេចពីកន្លែងធ្វើចត្តាឡីស័ក នៅកន្លែងស្នាក់នៅរបស់គាត់ នាខេត្តសៀមរាប វិញហើយ នៅព្រឹកថ្ងៃទី២៦ ខែកញ្ញា ឆ្នាំ២០២០ នេះ នៅផ្ទះរបស់គាត់ផ្ទាល់។ ពេលនេះ សមត្ថកិច្ចជំនាញនិងក្រុមការងារមន្ទីរសុខាភិបាលខេត្តសៀមរាប កំពុងបន្តនីតិវិធី តាមជំនាញ។ សូមបញ្ជាក់ថា យោងតាមសេចក្តីជូនព័ត៌មានរបស់ក្រសួងសុខាភិបាល នៅថ្ងៃទី២៦ ខែកញ្ញា ឆ្នាំ២០២០ នេះ បង្ហាញថា មានករណីសង្ស័យវិជ្ជមានវីរុសកូវីដ-១៩ ថ្មី នៅថ្ងៃទី២៥ ខែកញ្ញា ឆ្នាំ២០២០ ចំនួនម្នាក់ គឺ បុរសជនជាតិហុងគ្រី អាយុ៧០ឆ្នាំ មានអាសយដ្ឋានស្នាក់នៅភូមិគ្រួស ឃុំថ្វាយដង្គំ ក្រុងសៀមរាប ខេត្តសៀមរាប ដែលបានរាយការណ៍ដោយមន្ទីរពិសោធនៃមន្ទីរពេទ្យខេត្តសៀមរាប។ បុរសរូបនេះ ជាអ្នកធ្វើដំណើរពីប្រទេសបារាំង បន្តជើងហោះហើរតាមប្រទេសកូរ៉េខាងត្បូង បានមកដល់កម្ពុជា នៅថ្ងៃទី១៣ ខែកញ្ញា ឆ្នាំ២០២០ ហើយលទ្ធផលតេស្តរបស់គាត់ នៅពេលនោះ គឺ អវិជ្ជមានវីរុសកូវីដ-១៩។ បន្ទាប់មក គាត់បានបន្តធ្វើចត្តាឡ័ស័កនៅកន្លែងស្នាក់នៅតាមអាសយដ្ឋានខាងលើនេះ នៅខេត្តសៀមរាប រហូតដល់ថ្ងៃទី១៣ នៃការធ្វើចត្តាឡ័ស័ករបស់គាត់ត្រូវនឹងថ្ងៃទី២៥ ខែកញ្ញា ឆ្នាំ២០២០។ ការធ្វើតេស្តឡើងវិញក៏បានបង្ហាញលទ្ធផលសង្ស័យថា […]

ខេត្តប៉ៃលិន ៖ នាព្រឹកថ្ងៃទី២៥ ខែកញ្ញា ឆ្នាំ២០២០នេះ គណៈប្រតិភូគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍នៃរដ្ឋសភា ដឹកនាំដោយឯកឧត្តម ហ៊ុន ម៉ានី ប្រធានគណៈកម្មការ​ បានបន្តដំណើរពីខេត្តបាត់ដំបង​ ទៅខេត្តប៉ៃលិន​ ជួបប្រជុំជាមួយគណៈអភិបាលខេត្តប៉ៃលិន​ ដឹកនាំដោយ ឯកឧត្តម ផាន់ ចាន់ធុល អភិបាលនៃគណៈអភិបាលខេត្ត និងថ្នាក់ដឹកនាំមន្ទីរអប់រំ យុវជន និងកីឡា នៅសាលាខេត្តប៉ៃលិន។ នេះជាលើកទីពីរ ដែលគណៈកម្មការទី៧ បានចុះបេសកកម្មក្នុងខេត្តប៉ៃលិន ដើម្បីស្វែងយល់ពីសភាពការណ៍ជាក់ស្តែងនៅមូលដ្ឋាន និងពិនិត្យ តាមដានការអនុវត្តវិធានការនានា ដែលបានដាក់ចេញដោយរាជរដ្ឋាភិបាល ដែលមានក្រសួងអប់រំ យុវជន និងកីឡា ជាសេនាធិការ ក៏ដូចជាការស្តាប់នូវបញ្ហាប្រឈមផ្សេងៗ ដើម្បី ស្វែងរកដំណោះស្រាយឆ្លើយតបរួមគ្នាមួយដែលមានប្រសិទ្ធភាព។ ឯកឧត្តម ហ៊ុន ម៉ានី បានមានប្រសាសន៍ថា​ ការចុះបំពេញបេសកកម្មព្រឹកថ្ងៃនេះ​ មានភាពខុសប្លែកពីឆ្នាំមុន ដោយគណៈកម្មការទី៧បានផ្តោតកិច្ចពិភាក្សាលើស្ថានភាពវិស័យអប់រំក្នុងបរិបទកូវីដ១៩ និងផលប៉ះពាល់បង្កដោយវិបត្តិកូវីដ១៩ លើវិស័យអប់រំក្នុងក្របខណ្ឌខេត្តប៉ៃលិនផ្ទាល់ និងវិធានការជាដំណោះស្រាយដែលខេត្តបានអនុវត្តកន្លងមក៕