ខេត្តពោធិ៍សាត់៖កម្លាំងសមត្ថកិច្ចស្រុកវាលវែងបានចាប់រថយន្ត១គ្រឿងនិងអ្នកបើកបររួមនិងវត្ថុតាងឈើជាច្រើនកំណាត់។ករណីបង្ក្រាបបទល្មើសព្រៃឈឺនេះបានធ្វើឡើងនៅភូមិសំឡាញ ឃុំក្រពើពីរ ស្រុកវាលវែងខេត្តពោធិ៍សាត់កាលពីថ្ងៃទី២៩ខែតុលាឆ្នាំ២០២០។
មន្ត្រីសមត្ថកិច្ចជំនាញបានឱ្យដឹងថាៈក្នុងការបង្ក្រាបនេះគឺកម្លាំងឃាត់ខ្លួនមនុស្សម្នាក់រួមទាំងរថយន្ត១គ្រឿងម៉ាកឡិចស៊ីសRX300ពណ៌ខ្មៅស៊េរីឆ្នាំ២០០១ពាក់ស្លាកលេខភ្នំពេញ2l5369និងវត្ថុតាងឈើប្រភេទលេខ១ចំនួន៣៥ដុំស្មើនឹងចំនួន២,៤៧១ម៉ែត្រត្រីគុណ។ក្នុងនោះអ្នកបើកបររថយន្តមិនត្រូវបានគេឱ្យស្គាល់ឈ្មោះហើយឈើនេះជារបស់នរណានោះឡើយ ។
ប្រភពដដែលបានឱ្យដឹងទៀតថា មនុស្សម្នាក់និង រថយន្ត១គ្រឿងម៉ាកឡិចស៊ីស RX300និងឈើចំនួន៣៥ដុំស្មើនឹងចំនួន២,៤៧១ម៉ែត្រត្រីគុណដែលជាវត្ថុតាងត្រូវបានគេរក្សាទុកបណ្ដោះអាសន្ននៅស្នាក់ការដែនជំរកសត្វព្រៃភ្នំសំកុសដើម្បីរង់ចាំកសាងសំណុំរឿងចាត់ការបន្តតាមនីតិវិធីច្បាប់៕
