ក្រសួងអប់រំយុវជននិងកីឡាបានជូនដំណឹងស្តីពីការផ្អាកដំណើរការជាបណ្តោះអាសន្នគឺបិទសាលាផ្អាកដំណើរការជាបណ្តោះអាសន្នចំនួន៥ទៀតនៅភ្នំពេញនិងខេត្តកណ្ដាលទាំងរដ្ឋនិងឯកជន។ក្នុងនោះរួមមាន: អនុវិទ្យាល័យឫស្សីជ្រោយ,សាលាបឋមសិក្សាហ៊ុន សែនឫស្សីជ្រោយ ស្រុកស្អាង, អនុវិទ្យាល័យឫស្សីស្រុក ស្រុកកៀនស្វាយ ខេត្តកណ្តាល, សាលាបឋមសិក្សាកូលាបទី១, និងសាលារៀនអន្តរទ្វីបអាមេរិកាំង សាខាចាក់អង្រែ រាជធានីភ្នំពេញ។ដើម្បីចៀសវាងការឆ្លងជំងឺកូវីដ-១៩ ចូលក្នុងសាលារៀននិងរីករាលដាលក្នុងសហគមន៍ ចាប់ពីថ្ងៃជូនដំណឹងនេះតទៅ រហូតដល់មានការជូនដំណឹងជាថ្មី។គ្រឹះស្ថានសិក្សានេះត្រូវបន្តដំណើរការបង្រៀន និងរៀនតាមប្រព័ន្ធអេឡិចត្រូនិក។
Related Articles
ក្រុងព្រះសីហនុទទួលបានទឹកភ្លៀងគ្រប់១៨៨មីលីម៉ែត្រ,ភ្លៀងចុះខ្សោយតែខ្យល់នៅខ្លាំង
ភ្នំពេញៈភ្លៀងនៅតែបន្តធ្លាក់រាយប៉ាយក្នុងកម្រិតពីមធ្យមទៅបង្គួរនៅក្នុងក្របខណ្ឌទូទាំងប្រទេសដោយសារឥទ្ធិពលជ្រលសម្ពាធទាបរហូតដល់ថ្ងៃទី៣០ខែកញ្ញាទើបស្ថានភាពអាកាសធាតុត្រឡប់មកដូចធម្មតាវិញ។បន្ទាប់ពីមានភ្លៀងធ្លាក់ជោគជាំនៅតំបន់មាត់សមុទ្រដល់កម្រិត១៨៨មីលីម៉ែត្រនៅក្រុងព្រះសីហនុ បណ្តាលឱ្យមានការលិចលង់ផ្នែកខ្លះកាលពីថ្ងៃទី២៧ខែកញ្ញារួចមក។ លោកចាន់យុត្ថាអ្នកនាំពាក្យនិងជារដ្ឋលេខធិការក្រសួងធនធានទឹកនិងឧតុនិយមបានឱ្យដឹងនៅថ្ងៃទី២៨ខែកញ្ញាឆ្នាំ២០២០ថាៈប្រព័ន្ធសម្ពាធទាបបានរំកឹលទៅខាងជើងផុតពីកម្ពុជាវិញហើយ។តែភ្លៀងនៅបន្តធ្លាក់រាយប៉ាយក្នុងកម្រិតពីមធ្យមទៅបង្គួរដោយសារឥទ្ធិពលជ្រលងសម្ពាធទាបរហូតដក់ថ្ងៃទី៣០ខែកញ្ញាទើបស្ថានភាពអាកាសធាតុវិលមកដូចធម្មតាវិញ។ លោកហេងសោភ័ណរិទ្ធប្រធានមន្ទីរធនធាទឹកនិងឧតុនិយមខេត្តព្រះសីហនុបានឱ្យដឹងនៅថ្ងៃទី២៨ខែកញ្ញាថាៈស្ថានភាពភ្លៀងធ្លាក់នៅលើក្រុងព្រះសីហនុព្រឹកថ្ងៃទី២៨កញ្ញាមានសភាពធូរស្រាលបន្តិចវិញហើយ។តែមេឃនៅតែអួរអាប់ភ្លៀងធ្លាក់ខ្សោយព្រមជាមួយគ្នានេះនៅលើផ្ទៃសមុទ្រខាងក្រៅ(មុខកោះរុង)មានខ្យល់ខ្លាំងនិងរលកខ្ពស់ៗ។ ប្រធានមន្ទីរបានឱ្យដឹងទៀតថាៈបរិមាណទឹកភ្លៀងដែលបាន២៤ម៉ោងលើក្រុងព្រះសីហនុកាលពីថ្ងៃទី២៧ខែកញ្ញាមានរហូតដល់១៨៨មីលីម៉ែត្រធ្វើឱ្យមានការលិចលង់តំបន់ទំនាបមួយចំនួននៅក្នុងក្រុង។តែទឹកបានស្រកទៅវិញលឿនពេលភ្លៀងចុះខ្សោយដោយសារប្រឡាយនិងអូរដោះទឹកបានជីកស្តារ រួច។ លោកហេងសោភ័ណរិទ្ធ បញ្ជាក់ថា នៅក្នុងពេលភ្លៀងមានការលិចលង់ នៅផ្នែកខ្លះក្នុងក្រុង លោកអភិបាលខេត្តព្រះសីហនុបានធ្វើការណែនាំឱ្យកាយប្រឡាយថ្មីស្របផ្លូវលេខ៣០១ដែលមានប្រវែងជាង៩០០ម៉ែត្រ។ដើម្បីជួយកាត់បន្ថយបរិមាណទឹកហូរចូលអូរប្លប់តាប៉ាងឱ្យធ្លាក់ទៅប្រឡាយអូរស្តេចមឹក។ បង្វែរមុខទឹកមួយផ្នែកពីប្រឡាយអិលវីដែលតែងតែមានការលិចលង់ខ្លាំងឱ្យចូលទៅប្រឡាយអូរ១និងសម្រួលផ្លូវទឹកពីប្រឡាយអិលវីទៅអូរតាប៉ាងដើម្បីបន្ថយការលិចលង់នៅតំបន់អិលវី៕
ឧបនាយករដ្ឋមន្ត្រី ជា សុផារ៉ា នាំយកស្រូវពូជប្រមាណ១៥០តោនចែកប្រជាពលរដ្ឋចំនួន២៧៦២ គ្រួសារក្នុងខេត្តត្បូងឃ្មុំ
ខេត្តត្បូងឃ្មុំ ៖ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងដែនដីនគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំបាននាំយកស្រូវពូជស្រូវOM ៥១ ៥៤ ប្រមាណ១៥០តោន ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចែកជូនដល់ប្រជាពលរដ្ឋចំនួន២៧៦២ គ្រួសារដែលរងផលប៉ះពាល់ និងខូចខាតស្រូវក្នុងខេត្តត្បូងឃ្មុំ។ ពិធីនេះរៀបចំឡើងនាព្រឹកថ្ងៃទី០៤ ខែវិច្ឆិកា ឆ្នាំ២០២០ ដោយមានការអញ្ជើញចូលរួមពីប្រតិភូក្រសួងដែនដី តំណាងរាស្ត្រមណ្ឌលត្បូងឃ្មុំ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្ត ឯកឧត្តម ស៊ាក ឡេង ប្រធានក្រុមប្រឹក្សាខេត្ត ព្រមទាំងថ្នាក់ដឹកនាំសាលាខេត្ត មន្ទីរអង្គភាពជុំវិញខេត្ត និងអាជ្ញាធរមូលដ្ឋាន។ ក្នុងនោះស្រុកក្រូចឆ្មារ មានចំនួន១១៩១គ្រួសារ និងស្រុកត្បូងឃ្មុំ មានចំនួន១៥៧១ គ្រួសារ បន្ទាប់ពី រងផលប៉ះពាល់ និងខូចខាតស្រូវ ក្នុងគ្រាជំនន់ទឹកភ្លៀង ដោយក្នុង១គ្រួសារទទួលបានស្រូវពូជ១បេ ស្មើនឹង៥០គីឡូក្រាម។ ថ្លែងទៅកាន់ប្រជាពលរដ្ឋ ឯកឧត្កមឧបនាយករដ្ឋមន្ត្រី ជា សុផារ៉ា បានឲ្យដឹងថា ពូជស្រូវ OM […]
ម្ចាស់ឱសថស្ថានអរុណរះនាំយកអំណោយ និងថវិកាចូលរួមឧបត្ថម្ភដល់រដ្ឋបាលខេត្តស្វាយរៀង ក្នុងការប្រយុទ្ធប្រឆាំងជំងឺកូវីដ១៩
ខេត្តស្វាយរៀង ៖ នៅព្រឹកថ្ងៃសុក្រ ១១រោច ខែមិគសិរ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១១ ខែធ្នូ ឆ្នាំ២០២០នេះ នៅសាលប្រជុំរំដួលអគារកសាលាខេត្ត ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀងបានអញ្ជើញទទួលយកអំណោយ និងថវិកាមួយចំនួនពីលោក ថោង ប៊ុនធឿន និងលោកស្រី ព្រមទាំងក្រុមគ្រួសារ (ម្ចាស់ឱសថស្ថានអរុណរះ) ដើម្បីចូលរួមឧបត្ថម្ភដល់រដ្ឋបាលខេត្តស្វាយរៀង ក្នុងការប្រយុទ្ធប្រឆាំងជំងឺកូវីដ១៩ ក្នុងខេត្ត។ អំណោយទាំងនោះរួមមាន ៖ អង្ករ២តោន, មី២០កេស, ត្រីខ២០ឡូ, ម៉ាស២កេស ស្មើនឹង៥០០០ម៉ាស, អាល់កុល៦០លីត្រ និងថវិកា១លានរៀល។ ឯកឧត្ដមអភិបាលខេត្តបានមានប្រសាសន៍ថ្លែងនូវការអរគុណចំពោះ លោក ថោង ប៊ុនធឿន និងក្រុមគ្រួសារ ដែលបានចូលរួមបរិច្ចាគនូវអំណោយ និងថវិកាផ្ទាល់ខ្លួនក្នុងផ្តល់ឱ្យរដ្ឋបាលខេត្តសម្រាប់គាំទ្រដល់ការងារប្រយុទ្ធប្រឆាំងនឹងជំងឺកូវីដ១៩ ដែលនេះសបញ្ជាក់ឱ្យឃើញនូវកាយវិការប្រកបដោយសប្បុរសធម៌ និងជាវប្បធម៌នៃការចែករំលែកទៅល;ការជួយគ្នាក្នុងគ្រាលំបាក។ ឯកឧត្តមអភិបាលខេត្តបានបញ្ជាក់ថា អំណោយដែលបានផ្ដល់ជូនរដ្ឋបាលខេត្តនៅថ្ងៃនេះ និងយកទៅចាត់ចែងប្រើប្រាស់ក្នុងសកម្មភាពនានា រួមទាំងយុទ្ធនាការផ្សព្វផ្សាយអប់រំនូវវិធានការបង្ការ ទប់ស្កាត់ការឆ្លងរាលដាលនៃជំងឺកូវីដ១៩ ការងារមនុស្សធម៌ ជួយដល់ប្រជាពលរដ្ឋដែលមានជីវភាពខ្វះខាតស្របតាមអនុសាសន៍ណែនាំដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕